Falë nismave të projektit “Aftësi për Punë” gjatë fazës së tij të parë dhe të dytë, partneritetet strategjike mes ofruesve të arsimit dhe formimit profesional dhe bizneseve kanë sjellë rezultate mbresëlënëse. Ky bashkëpunim ka bërë që ofruesit e AFP të punojnë për t’iu përshtatur nevojave të tregut punës, duke u transformuar kështu në qendra që zhvillojnë aftësitë e të rinjve. Ndërsa hyjmë në Fazën 3, ne po synojmë edhe më tej.

Integrimi

Objektivi ynë i parë është të integrojmë këtë bashkëpunim shkollë-biznes në planifikimin dhe funksionimin e ofruesve partnerë. Në këtë mënyrë, aftësitë që mësohen përputhen me kërkesat e tregut të punës.

Forcimi i partneriteteve me biznesin

Objektivi i dytë ka të bëjë me fuqizimin e bizneseve të përfshira. Ne synojmë t’i ndihmojmë ata të punojnë në mënyrë më efikase me shkollat, duke siguruar që kontributi i tyre në arsimin dhe formimin profesional të jetë efektiv dhe të ketë më tepër ndikim.

Nxitja e bashkëpunimit

Në Fazën 3, ne po nxisim bashkëpunimin midis kompanive, duke formuar rrjete rajonale joformale. Këto rrjete do t’u mundësojnë bizneseve të bashkojnë forcat në zhvillimin e aftësive, duke shumëfishuar ndikimin pozitiv.

Fuqizimi i liderëve

Qëllimi ynë i fundit përfshin fuqizimin e liderëve që mund të udhëheqin të tjerët. Këta ekspertë do të ndihmojnë në përhapjen e modeleve të suksesshme, duke siguruar shtrirjen e tyre sa më gjerë në arsimin dhe formimin profesional.

Shkurtimisht, Faza 3 ka të bëjë me fuqizimin e bashkëpunimit me sektorin privat për rezultate edhe më të mira. Ne po integrojmë, forcojmë, nxisim bashkëpunimin dhe fuqizojmë liderët – të gjitha këto për të arritur një arsim dhe formim profesional që plotëson nevojat e botës së punës.