6 ofrues partnerë me “Aftësi për Punë” aplikuan për Grantin Rajonal të Sfidave për të nxitur ofrimin e programeve në bashkëpunim me sektorin privat. Nga këto, 3 ofrues (shkolla “Gjergj Canco”, “Salih Çeka” dhe “Kristo Isak”) në bashkëpunim me 12 biznese partnere në rajonet ku operojnë, u përzgjodhen për fazën pasardhëse për përgatitjen e propozimeve të detajuara.

Shkolla “Gjergj Canco” ka fituar pjesëmarrjen në projektin InnoVET – CoVE (Centre of Vocational Excellence) në kuadrin e programit Movetia. Shkolla “Gjergj Canco” bashkë me shkollën Berufsbildungszentrum IDM në Thun të Zvicrës, do jenë pjesë e një rrjeti partnerësh ndërkombëtarë që do të bashkëpunojnë e shkëmbejnë përvoja për hartimin e vlerësimin e strategjive të novacionit në kuadrin e digjitalizimit, ndërkombëtarizimit e cilësisë.