Rreth Nesh
“Aftësi për Punë” (S4J) është një projekt i Agjencisë Zvicerane për Zhvillim dhe Bashkëpunim (SDC), i cili zbatohet në Shqipëri nga organizata Swisscontact. Qëllimi kryesor i projektit është përmirësimi i arsimit dhe formimit profesional (AFP) në Shqipëri përmes digitalizimit, modernizimit dhe gjithëpërfshirjes.
Projekti “Aftësi për Punë” ndodhet në fazën e tij të tretë, ku do të fokusohet në zhvillimin, konsolidimin dhe transferimin e gjashtë objekteve kryesore të inovacionit:
- Digjitalizimi i Ofertës së Arsimit dhe Formimit Profesional (AFP)
- Përmirësimi i Proceseve dhe Strukturave të Brendshme
- Modelet e Zhvillimit të Vazhdueshëm Profesional
- Marrëdhëniet me Bizneset dhe Partnerët
- Cilësia e të Nxënit përmes Punës
- Diversfikimi i Ofertës dhe Zhvillimi i Aftësive
Në Fazën e 3-të (Korrik 2023 – Qershor 2027) me një buxhet prej 7,720,000 frangash zvicerane, projekti synon të përforcojë arritjet e mëparshme, të sigurojë ndryshime të qëndrueshme në sistemin e AFP–së në vend dhe të hapë rrugën për një të ardhme më të suksesshme për Shqipërinë, duke ofruar mundësi të reja për rreth 29,400 individë, përfshirë gra, burra, të rinj dhe persona nga grupet me nevoja të veçanta.
Vizioni
Qëllimi kryesor i projektit “Aftësi për Punë” (S4J) është që t’u ofrojë të rinjve në Shqipëri arsimin dhe formimin më të mirë profesional. Aftësitë më të mira do t’i ndihmojnë të rinjtë që të gjejnë një punë që e adhurojnë dhe që paguhet mirë.
Përfituesit
Partnerët
Donatorë
Kompani
Shoqata Industrie
Universitete Publike dhe Private
Qendra Formimi e Trajnimi
Shkollat e Mesme
Rezultatet deri më sot
-
AKSESI NË AFP
17.177 nxënës dhe kursantë kanë përfituar nga projekti S4J.
(Në rajonet e Shkodrës, Lezhës, Tiranës, Elbasanit, Vlorës dhe Beratit) -
MË SHUMË TË DIPLOMUAR QË PUNËSOHEN
Një vit pas diplomimit, 71% e të diplomuarve në 2022 ishin të punësuar krahasuar me 34% në 2016.
-
MË SHUMË VAJZA QË PËRFUNDOJNË ARSIMIN PROFESIONAL TË PUNËSUARA
Në 2022, 49.4% e vajzave të diplomuara nga shkollat partnere kanë qenë të punësuara, krahasuar me 32% në 2019.
-
TRANZICION MË I SHPEJTË NGA SHKOLLA NË PUNË
59.8% e të diplomuarve në vitin 2022 kanë gjetur punë para diplomimit dhe 77.9% kanë siguruar punë brenda tre muajve.
-
BRAKTISJE MË E ULËT E SHKOLLËS
Shkalla e braktisjes u ul me 5 pikë përqindjeje në 10% në vitin shkollor 2022-2023 krahasuar me 5.1% në vitin shkollor 2020-2021.
-
RELEVANCA E PUNËS
55.7% e të diplomuarve të vitit 2022 punojnë në punë relevante, që përputhen me drejtimin e tyre të studimit.
-
BASHKËPUNIM I SUKSESSHËM ME BIZNESIN
810 kompani kanë pritur nxënës në praktika profesionale. Më shumë biznese angazhohen në ofertën e AFP-së përmes pjesëmarrjes në provimet e nivelit, dhënies së leksioneve dhe sesioneve të ndarjes së përvojave.
-
MË SHUMË NXËNËS NË PRAKTIKË
8,063 të rinj e të reja nga ofruesit partnerë janë angazhuar në praktika profesionale deri në fund të Fazës 2.
-
MË SHUMË KOMPANI TË MËDHA BASHKËPUNOJNË ME OFRUESIT PARTNERË
963 kompani në Shqipëri kanë nënshkruar memorandume mirëkuptimi dhe kanë bashkëpunuar me ofruesit partnerë të S4J deri në fund të Fazës 2.
-
INTENSIFIKIMI I DIALOGUT MES OFRUESVE TË AFP-SË DHE KOMPANIVE
Përfaqësues të biznesit nga industri të ndryshme po kontribuojnë drejt një oferte të përmirësuar të AFP-së përmes tryezave lokale të dialogut me bizneset, të organizuara çdo vit.
-
MENAXHIM INSTITUCIONAL I PËRMIRËSUAR DHE STRATEGJIK
10 ofrues partnerë u mbështetën për të përmirësuar planifikimin afatmesëm dhe vjetor përmes mentorimit dhe trajnimeve.
-
NJËSI ZHVILLIMI TË KONSOLIDUARA
Përmirësim i Njësive të Zhvillimit dhe strukturave të brendshme të ofruesve partnerë përmes trajnimeve dhe ndarjes së përvojave.
-
OFERTË E PËRMIRËSUAR E ORIENTUAR NGA TREGU I PUNËS ME FOKUS NË NIVELIN V TË AQF
Ofruesit partnerë kanë përfshirë në ofertën e tyre drejtime dhe profile të reja. Është zgjeruar gama e kualifikimeve, si: programimi, multimedia, administrimi i zyrës, ndërmjetësimi i pasurive të paluajtshme dhe dizajni i modës, me fokus në rritjen e neutralitetit gjinor.
-
MBËSHTETJA E MODERNIZIMIT TË AFP-SË NË SHQIPËRI
S4J ka mbështetur hartimin dhe zbatimin e udhëzuesit: “e-VET@Albania 2030 – Një udhërrëfyes për modernizimin e AFP-së shqiptare të mbështetur nga TIK”, si pjesë e Strategjisë Kombëtare 2023 -2030.
-
INOVACION NË PROCESIN E MËSIMDHËNIES DHE TË NXËNIT
Gjithsej 14,299 përdorues aktivë në platformën MësoVET. U lançua aplikacioni MësoVET Mobile dhe u bë i disponueshëm për përdoruesit e Android dhe iOS me funksionin offline të përfshirë. S4J mbështeti zhvillimin e përmbajtjes digjitale në drejtime të zgjedhura. U zhvilluan dhe u digjitalizuan 55 lëndë në 5 drejtime studimore, nga një ekip prej 32 autorësh, 6 ekspertësh digjitalizimi dhe 5 ekspertë pedagogjikë.
-
INFRASTRUKTURË MODERNE
Janë kryer investime në infrastrukturë bazuar në nevojat dhe mundësitë, duke përfshirë 77 klasa të mësimit të kombinuar.
Ekipi ynë
MIGENA KAPLLANAJ
Menaxhere Linje për Zhvillimin Organizativ dhe të Nxënit Gjatë Gjithë Jetës
OLTJON VALISI
Menaxher Linje për Diversifikimin e Ofertës në AFP-ë dhe Zhvillimin e Vazhduar të Aftësive
Bashkëpunëtorët
AURORA MARKU
Eksperte për Menaxhimin e Procesit të Mësimdhënies dhe Mësimnxënies në sektorin e AFP-së
Swisscontact
Swisscontact është një organizatë zvicerane e pavarur, me orientim drejt biznesit, që synon bashkëpunimin ndërkombëtar për zhvillim. E përfaqësuar në 36 vende, me 123 projekte dhe mbi 1100 të punësuar, promovon që nga viti 1959 zhvillimin ekonomik, social dhe mjedisor.
FAQ
Arsimi e formimi profesional (AFP) është një arsim i mesëm që zhvillon aftësitë e nxënësve në teori dhe praktikë profesionale, për të qenë gati për punësim pas diplomimit apo certifikimit. Pasi diplomohen nga shkolla e mesme e AFP-së, të rinjtë mund të ndjekin edhe arsimin e lartë.
Arsimi e formimi profesional në Shqipëri mbështeten nga institucione shtetërore si dhe organizata e projekte të huaja. Ministria përgjegjëse për AFP është Ministria e Financave dhe Ekonomisë, ndërkohë që agjencitë përgjegjëse janë Agjencia Kombëtare e Punësimit dhe Aftësive (AKPA) dhe Agjencia Kombëtare e AFP dhe Kualifikimeve (AKAFPK). Gjithashtu, AFP në Shqipëri mbështetet nga qeveritë zvicerane, austriake dhe gjermane.
Aktualisht ka 18,192 nxënës të regjistruar në institucionet ofruese të AFP-së në Shqipëri.
- Arsimi profesional zhvillon aftësitë e të rinjve në teori dhe praktikë profesionale.
- Eksperienca fitohet duke u ndihmuar në çdo hap nga ekspertë të fushave që udhëzojnë nxënësit hap pas hapi për të fituar aftesitë praktike.
- Që në moshë të re, të rinjtë kanë akses në tregun e punës dhe mësojnë nga përvoja e përfaqesuesve të bizneseve më të suksesshme.
- Praktika profesionale krijon mundësi për punësim të denjë dhe të mirëshpërblyer dhe hapësira për promovim në pozicione menaxheriale.
- Të rinjtë zbulojnë pasionet e tyre gjatë punës në praktikë dhe bëjnë zgjedhje më të përshtatshme për karrierën.
- Të rinjtë punësohen e vetëpunësohen shpejt e në drejtime që i përshtaten aftësive dhe arsimimit të tyre.
- Ata marrin përgatiten në teori e praktikë për të vazhduar shkollën e lartë.
- Gjithmonë e më tepër kërkesat për profesionistë të kualifikuar nga industritë e ndryshme kanë ardhur në rritje.
- Modernizimi dhe digjitalizimi i ekonomisë ka nevojë për profesionistë të rinj me eksperiencë praktike.
- Arsimi profesional në Shqipëri mbështetet nga vende si Zvicra, Gjermania dhe Austria. Këto vende e kanë zgjedhur gjerësisht arsimin profesional për të siguruar aftësi për punën dhe për jetën.
Institucionet partnere të S4J kanë një rrjet të gjerë biznesesh partnere, nga më të mirat në rajon, të cilat ofrojnë praktikat profesionale afatgjata për nxënësit. Sipas modelit të praktikave profesionale afatgjata të zhvilluar nga S4J, nxënësi këshillohet për karrierën nga instruktorët në shkollë dhe në biznes, për të kuptuar se cilat janë aftësitë e prirjet e tij dhe në cilat drejtime e pozicione pune mund ta gjejë më mirë veten. Nxënësi gjithashtu këshillohet për procesin e aplikimit në praktika dhe në Panairin e Praktikave Profesionale të organizuar nga shkolla njihet me bizneset e zhvillon intervista. Pasi prindi, shkolla dhe kompania nënshkruajnë një marrëveshje bashkëpunimi, nxënësi mund të nisë praktikën në biznes.
Institucionet partnere të projektit “Aftësi për Punë” janë mbështetur nga projekti me infrastrukturën dhe teknologjinë e nevojshme për të zhvilluar një mësim që kombinon mësimdhënien ballë për ballë me atë online. Në shkolla janë krijuar klasa të mësimit të kombinuar dhe infoteka (salla të pajisura me kompjutera), ku nxënësit mund të zhvillojnë projekte online. Platforma MësoVET, e zhvilluar nga projekti, lejon mësimin në distancë dhe pasurohet vazhdimisht me materiale mësimore digjitale. Gjatë periudhës së distancimit fizik të shkaktuar nga COVID-19, përdorimi i platformës u shumëfishua dhe ajo u përdor edhe nga institucione të tjera të AFP-së në Shqipëri, jo partnere me S4J.
- Krijimi i një mendësie biznesi në institucionet partnere të arsimit e formimit profesional duke rritur bashkëpunimin e tyre me sektorin privat dhe partnerë të tjerë;
- Adoptimin e modelit të praktikave profesionale afatgjata nga ofruesit partnerë me përfitime të mëdha për nxënësit, bizneset dhe institucionet;
- Përmirësimin dhe modernizimin e procesit mësimor përmes integrimit të teknologjisë në mësimdhënie dhe metodave të reja të të nxënit, trajnimit të stafit nga liderë të industrisë dhe integrimit të procesit të vlerësimit e monitorimit të planeve mësimore;
- Zhvillimin institucional përmes krijimit dhe konsolidimit të Njësisë së Zhvillimit, planifikimin e menaxhimin strategjik dhe procesin e vetëvlerësimit të institucioneve partnere.
