Orientimi për karrierën synon të informojë dhe këshillojë nxënësi për të marrë vendimin e duhur për arsimimin, zhvillimin profesional dhe punësimin në tregun dinamik të punës, në bazë të aftësive dhe interesave të tyre. Për këtë janë zhvilluar një sërë aktivitetesh me qëllim mirëmenaxhimin e karrierës të gjithësecilit, pasi ajo është unike dhe dinamike.

Qëllimi i këtyre aktiviteteve është që nxënësit të identifikojnë dhe hulumtojnë qëllimet e karrierës, zhvillojnë mendimin kritik si dhe të marrin vendimin përfundimtar për punësim të menjëhershëm, si qëllimi kryesor i shkollave profesionale, ose arsimimin e mëtejshëm.

Çfarë aktivitesh apo instrumentësh keni përdorur për orientimin në karrierë?

Një ndër aktivitetet për integrimin në tregun e punës është vetëvlerësimi, i cili ndihmon individin në krijimin e qëndrueshmërisë në lidhje me aspektet profesionale dhe shoqërore. Për këtë janë përdorur pyetësor të standardizuar, të cilët më pas janë analizuar për çdo nxënës.

Hulumtimi i tregut të punës synon të njohë prirjet e zhvillimit të tij, në mënyrë që nxënësit të orientohen drejt profesioneve që kërkohen. Ata janë aftësuar për të kërkuar njoftimet për vendet e punës në mënyrë individuale (përveçse postohen në rrjetet sociale të shkollës dhe afishohen në këndin e punësimit) si  dhe për të aplikuar nëpërmjet dokumenteve bazë CV dhe letër interesi. Gjithashtu janë parapërgatitur për të realizuar një intervistë të suksesshme me punëdhënësin.

Vizitat në biznese (për nxënësit që nuk e kanë realizuar praktikën në biznes) kanë qënë të shumta me qëllim që nxënësit të shohin nga afër vendin e punës, pajisjet që përdoren dhe teknologjinë përkatëse.

Historitë e suksesit kanë qënë një tjetër aktivitet interesant për të nxitur dhe motivuar nxënësit në vendimmarrjen e tyre.

Së fundmi përfaqësues nga Zyra e Punës janë bërë pjesë e takimeve me maturantët për t’i informuar në lidhje me regjistrimin dhe procedurën e punësimit.

Lexoni këtu: Udhëzuesi për karrierën.