FRYMËSO është grupi i ri në Facebook i lehtësuar nga “Aftësi për Punë” si një mjedis online për të nxitur komunitetet e praktikës për arsimin dhe formimin profesional në Shqipëri. Kjo iniciativë lindi nga nevoja e mësuesve dhe profesionistëve të tjerë të AFP për t’u lidhur me njëri-tjetrin në një kohë kur ata po përballen me sfida në kombinimin e metodave të ndryshme të të nxënit, kur digjitalizimi është bërë i domosdoshëm e teksa administratorët në sistemin e AFP po përpiqen t’i bëjnë shkollat sa më të sigurta. Përmes këtij komuniteti online, ata do të kenë akses në informacion, shkëmbim përvojash me kolegët, diskutime, mundësi zhvillimi të vazhdueshëm profesional si dhe të marrin frymëzim nga profesionistët e tjerë të fushës.

Krijimi i kësaj platforme është në kuadër të një strategjie të re komunikimi, ku S4J po fokusohet drejt ndërtimit të dialogut konstruktiv në AFP për të ndikuar tek ndryshimi i qëndrueshëm në sistem.

Ndiq videot e realizuara për grupin “Frymëso” dhe frymëzohu edhe ti!