Që prej vitit 2016, projekti “Aftësi për Punë” bashkëpunon me një rrjet në rritje shkollash profesionale partnere, në rajonet e Vlorës, Lezhës, Beratit, Tiranës, Shkodrës dhe Elbasanit, të cilat bashkëpunojnë me një sërë biznesesh e kompanish lokale, në kuadër të realizimit të praktikave profesionale afatgjata. Kjo eksperiencë mbështetet në një sistem mjetesh, dokumentesh, ndarjesh të detyrave e roleve, të cilat udhëheqin aktorët e përfshirë dhe standardizojnë procesin, si dhe në strategji dhe instrumente të ideuara dhe të aplikuara nga aktorë të caktuar, me synim optimizimin e praktikave.

Qëllimi i këtij është krjimi i një materiali praktik mbi tërësinë e hapave, proceseve, roleve dhe instrumenteve që përfshihen në praktikat profesionale afatgjata dhe që garantojnë implementim të suksesshëm për të gjithë aktorët. Udhëzuesi shërben:

• si dëshmi e procedurave të ndjekura, mjeteve të përdorura dhe eksperiencave të fituara;
• si pikë referimi për të gjithë aktorët, në të mirë të të kuptuarit, të lehtësuarit dhe të përmirësuarit të rolit dhe të performancës së tyre në kuadër të praktikave;
• si bazë për replikim instrumentesh dhe procedurash për ofrues të ndryshëm të AFP-së.