Arsimi profesional dual është një model ku nxënësit kombinojnë mësimin teorik në shkollë me përvojën praktike në kompani. Në këtë model, një pjesë e rëndësishme e formimit zhvillohet në mjedise reale pune, nën udhëheqjen e profesionistëve të biznesit dhe mësuesve të praktikës. Në Shqipëri, modeli i arsimit dual parashikon që nxënësit të zhvillojnë zakonisht dy ditë në javë mësim teorik në shkollë dhe tre ditë në javë punë në kompani.
Ky model krijon një lidhje më të fortë mes shkollës dhe tregut të punës, duke u mundësuar të rinjve të fitojnë aftësi konkrete profesionale, përvojë pune dhe një përgatitje më të mirë për punësim. Në të njëjtën kohë, bizneset kontribuojnë në formimin e një fuqie punëtore të kualifikuar, në përputhje me nevojat e tyre.